Golovkın men Alvarestiń úshinshi aıqasy qaıda ótýi múmkin

ASTANA. QazAqparat - The Ring jýrnalynyń bas redaktory Dýglas Fısher Gennadıı Golovkın (38-1-1, 34 KO) men Saýl Alvarestiń (50-1-2, 34 KO) yqtımal úshinshi jekpe-jegi ótýi múmkin qalalardy atady, dep habarlaıdy QazAqparat Sports.kz-qa silteme jasap.

«Menińshe, Nıý-Iork úshinshi aıqasty qabyldaý quqyǵy úshin talasa alady. Degenmen, Las-Vegas bul kezdesýdi de qabyldaǵysy kelse, onyń usynysynan ózge qalalar asyp túse almaıdy», - dep jazdy Fısher óz baǵanynda.

Eske salaıyq, GGG «Kanelo» arasyndaǵy birinshi jáne ekinshi aıqastar Las-Vegastaǵy T-Mobile kesheninde ótti. Eki jekpe-jekte de boksshylardyń eshqaısysy aıqyn basymdyqpen jeńiske jete almady. Alǵashqysy - teń nátıjemen, revansh - tóreshiler daýysymen «Kanelonyń» paıdasyna aıaqtaldy.