Golovkın men Alvarestiń salmaq ólsheý rásimi jankúıerler úshin ashyq bolady
ASTANA. QazAqparat - Gennadıı Golovkın men Saýl Alvarestiń jekpe-jegi aldyndaǵy boksshylardyń salmaq ólsheý rásimi kórermender úshin ashyq bolady, dep habarlaıdy Sports.kz. Bul jaıly Tvıtterdegi paraqshasynda GGG promoýteri Tom Leffler jazdy.
«MGM Grand-taǵy salmaq ólsheý rásimi jurtshylyq úshin ashyq bolady, bılet júıesi bolatynyna senimdi emespin. Jekpe-jek aptalyǵy týraly egjeı-tegjeıli jańalyqtardy ótkizip almańyzdar», - delingen paraqshada.
Eske salaıyq, jekpe-jek 16 qyrkúıek kúni (Astana ýaqyty boıynsha 17 qyrkúıek kúni shamamen tańǵy 9-da), al salmaq ólsheý rásimi odan bir kún buryn ótedi.
