Golovkın men Alvarestiń qarymta kezdesýi: bılet quny belgili boldy
ASTANA. QazAqparat - WBC, WBA (Super) jáne IBO nusqalary boıynsha Álem chempıony Gennadıı Golovkın (38-0-1, 34 KO) men meksıkalyq Saýl «Kanelo» Alvares (49-1-2, 34 KO) arasyndaǵy jekpe-jekke bıletter kelesi aptada satylymǵa shyǵarylady, dep habarlaıdy «SPORTINFORM» SAA.
Eń arzan bılettiń quny - 300 dollar, eń qymbaty - 6000 dollar turatyn bolady. Ortasha baǵasy - 800 dollar.
Belgili bolǵandaı, jekpe-jek Las-Vegas qalasynda jergilikti ýaqyt boıynsha 15 qyrkúıek kúni saǵat 17:00-de ótedi. Astana ýaqytymen 16 qyrkúıekte tańǵy 6:00-de bastalady.
Golovkın men Alvares T-Mobile arenasynda kezdesedi. Qazaqstandyq boksshyǵa revanshtan shamamen 40 mıllıon dollardan astam qarajat túsýi múmkin. De La Hoııanyń aıtýynsha, Golovkınmen bir mámilege kelý úshin jetpeı turǵan somany qaltasynan bólýine týra kelgen.
