Golovkın men Alvares jekpe-jekten qansha tabys tapqan
ASTANA. QazAqparat - Brıtanııanyń Daily Mail basylymy Gennadıı Golovkın men Saýl «Kanelo» Alvarestiń Las-Vegasta ótkizgen jekpe-jekten alǵan aqshasynyń naqty mólsherin jarııalady, dep habarlaıdy Sports.kz.
Resýrstyń habaryna súısensek, Golovkınniń tabysy 25 mıllıon dollardy quraǵan (18,5 mıllıon fýnt sterlıng), al Alvares 35 mıllıon dollar kólemindegi tabysqa ıe bolǵan (25,9 mıllıon fýnt sterlıng). Osy oraıda GGG jáne «Kanelonyń» bazalyq tabysy o basta sáıkesinshe 3 jáne 5 mıllıon dollar dep baǵalanǵanyn aıta keteıik. Buǵan aıqas bıletteri men aqyly translıatsııadan boksshylardyń alatyn úlesi kirmeıdi. Golovkın men Alvarestiń jekpe-jegi 16 qyrkúıekte ótip, teń nátıjemen aıaqtalǵan bolatyn.
