Golovkın men Alvares jekpe-jek jóninde 11 jeltoqsanǵa deıin ýaǵdalasýy tıis
ASTANA. QazAqparat - Búkilálemdik boks keńesiniń (WBC) basshylyǵy meksıkandyq Saýl Alvares pen qazaqstandyq Gennadıı Golovkınniń komandalary úshin kelissózderge berilgen merzimdi uzartýǵa sheshim qabyldady, dep habarlady Sports.kz.
AQSh-ta ótken apta Alǵys aıtý kúni merekesimen oraılas kelýine baılanysty, sondaı-aq taraptardyń kelissózderdi kelisim jasasýǵa deıin júrgizý tilegin eskere otyryp, komandalardyń ýaǵdalasýyna 11 jeltoqsanǵa deıin ýaqyt berdi.
Eske sala keteıik, 21 qarashada Alvares Mıgel Kottony jeńip, ortasha salmaqta (72,6 kelige deıin) WBC álem chempıony ataǵyn ıelengen bolatyn. Budan burynǵy qabyldanǵan sheshimge sáıkes osydan keıin Saýlge «ýaqytsha» álem chempıony Golovkınmen kezdesýde ataǵyn mindetti túrde qorǵaýda tıisti sheshimge kelý úshin 15 kún ýaqyt berilgen bolatyn.
