Golovkın men Alvares jekpe-jegi - WBC uıymynyń 2016 jylǵy basty maqsaty
ASTANA. QazAqparat - Dúnıejúzilik boks keńesiniń prezıdenti Maýrısıo Sýleıman ótken jylǵa joǵary baǵa berip, kelesi, 2016 jylǵy uıymnyń basty maqsatyn belgiledi.
Ol - orta salmaqtaǵy álem chempıony Saýl Alvares pen «ýaqytsha» tıtýl ıegeri Gennadıı Golovkınniń jekpe-jegi.
«Bul Meıýezer - Pakıao jáne Alvares - Kotto sııaqty boksshylardyń jekpe-jegi ótken erekshe tarıhı jyl boldy, - degen Sýleımannyń sózin keltirdi Boxingscene. - 2016 jyly da úzdik boksshylardyń aıqasyn uıymdastyrýǵa kúsh salatyn bolamyz. Onyń ishinde kópshilik taǵatsyzdana kútip otyrǵan Alvares pen Golovkınniń judyryqtasýy. Olar qyrkúıekte AQSh-ta jekpe-jekke shyǵady degen úmittemiz. Alda olardyń ekeýin de erikti qorǵanys kútip tur, odan keıin olar bir-birlerimen kezdesýleri tıis».
