Golovkın men Alvares jekpe-jegi 2017 jyldyń qyrkúıeginde ótýi múmkin
ASTANA. QazAqparat - Meksıkalyq boksshy Saýl Alvares qazaqstandyq Gennadıı Golovkınge qarsy jekpe-jekti 2017 jyldyń qyrkúıeginde ótkizýi múmkin. Bul týraly ESPN telearnasy Alvarestiń promoýteri Oskar de la Hoııaǵa silteme jasap habarlady.
Osyǵan deıin Alvares 12 raýndtyq jekpe-jekte brıtanııalyq Laıam Smıtti 9 raýnda nokaýtpen jeńip, Búkilálemdik boks uıymy (WBO) nusqasy boıynsha álem chempıony beldigin tartyp aldy, dep habarlady TASS.
Alvares 34 jastaǵy qazaqstandyqpen kezdesý ótkizý týraly kelissózder buryn júrgizilgenin aıtty. «Bir aı buryn Golovkınge onyń burynǵy tabysynan eki nemese úsh ese kóp usyndyq», - dedi meksıkalyq.
Golovkın Búkilálemdik boks qaýymdastyǵy (WBA), Halyqaralyq boks federatsııasy (IBF) men Búkilálemdik boks keńesiniń (WBC) nusqalary boıynsha álem chempıony. 11 qyrkúıekte ol brıtanııalyq Kell Brýkqa qarsy kezdesýde tıtýldaryn qorǵap qaldy.
