Golovkın men Alvares revansh ótetin oryn týraly aıtty

ASTANA. QazAqparat - Saýl Alvares pen Gennadıı Golovkın Las-Vegasta ótetin kezdesý-revanshqa qatysty pikir bildirdi.

«Vegasta kezdeskenshe, dostar. Qoldaýlaryńyzǵa rahmet!», - dep jazdy Golovkın Instagram paraqshasynda.

Sheteldik buqaralyq aqparat quraldaryna bergen suhbatynda ol ekinshi kezdesýde jeńiske jetýdi kózdep otyrǵanyn málim etti.

«Bul joly tóreshilerdiń sheshimine qatysty kúmán bolmaıdy. Bul men úshin jáne T-Mobile Arena úshin erekshe tún bolady»,-dep keltiredi GGG -diń sózin BoxingInsider.com.

Meksıkalyq boksshy Saýl Alvares óz kezeginde Gennadıı Golovkınge qarsy kezdesý ótkizý úshin T-Mobile Arena-ǵa tórtinshi ret bara jatqanyna qýanatynyn jetkizdi.

«Boks álemine esik ashqan bul jer meniń súıikti arenama aınalyp úlgerdi. Jekpe-jek osy jerde bastaldy, men ony tap osy jerde aıaqtaımyn. Men jáne meniń jankúıerlerim taǵatsyzdana kútip otyrǵan jaǵdaı bolady. Men ony nokaýtqa jiberem!» dep keltiredi «Kanelonyń» sózin BoxingInsider.com.

Aıta keteıik, boks sańlaqtarynyń alǵashqy kezdesýi 16 qyrkúıekte Las-Vegastaǵy T-Mobile Arena-da ótti jáne ol teńdeı aıaqtalǵan bolatyn. Alaıda tóreshilerdiń bul sheshimi daý týdyrdy. Golovkın men Alvares arasyndaǵy revanshtyq kelesi kezdesý 5 mamyrda týra sol arenada ótedi.