Golovkın men Alvares 17 qyrkúıekte judyryqtasady - Sheın Mozlı
ASTANA. QazAqparat - Bokstan amerıkalyq eks-chempıon Sheın Mozlı «twitter» jelisindegi jeke paraqshasynda qazaqstandyq boksshy Gennadıı Golovkın men meksıkalyq Saýl Alvares arasyndaǵy jekpe-jektiń ótetin ýaqytyn jarııalady. Bul týraly vesti.kz saıtyna siltememen massaget.kz habarlap otyr.
Tanymal boksshynyń jazýy boıynsha, jekpe-jek 17 qyrkúıekke josparlanypty. Ol bul aqparattyń shyndyqqa janasatynyn, sondaı-aq ony ózi alǵash bolyp habarlap otyrǵany týraly da jazdy.
- «Kanelo» jáne GGG - 17 qyrkúıek! Menińshe, qyrkúıek aıynda bul jekpe-jekke teń keler kezdesý óte qoımas. Jyl jekpe-jegi bolady. «Golden Boy Promotions» atqarǵan keremet jumys!
- Sizder «Kanelo» men GGG kelisimge kelgenin áli estimegen bolarsyz? Kelissózder aıaqtaldy. Siz muny birinshi bolyp oqyp otyrsyz. Meniń jekpe-jegim 28 mamyr kúni ótedi. Al «Kanelo» men GGG - 17 qyrkúıekte, - dep jazdy Shon Mozlı.
Aıta keteıik, 7 mamyr kúni Saýl Alvares Las-Vegasta Amır Hanǵa qarsy jekpe-jek ótkizip, WBC tujyrymy boıynsha chempıondyq ataǵyn qorǵap qalǵan bolatyn. Endi WBC erejesine sáıkes meksıkalyq qazaqstandyq boksshymen kezdesýi tıis. Qos boksshy promoýterleriniń kelissózder júrgizýine jarty aıǵa jýyq ýaqyt bar.
