Golovkın meksıkalyqtarǵa aqshalaı kómek kórsetedi

ASTANA. QazAqparat - WBA Super, WBC, IBF men IBO tujyrymdary boıynsha orta salmaqtaǵy álem chempıony Gennadıı Golovkın Meksıka halqyna materıaldyq kómek kórsetedi. 

Atalǵan kómekti boksshy qaıyrymdylyq qory arqyly aýdaryp beredi, dep habarlaıdy QazAqparat tilshisi.

GGG-diń promoýteri Tom Lefflerdiń aıtýynsha, qazannyń ekinshi jartysynda Gennadıı Mehıkoǵa barady. «GGG Mehıkonyń qaıǵysyna ortaq jáne halyqtyń basyna túsken problemany jaqsy túsinedi. Sol sebepti Karlos Slımnyń qory arqyly qaıyrymdylyq jasaıdy. Onyń júregi meksıkalyq fanattarmen birge, Gennadıı olarǵa óz elin qalpyna keltirýge kómekteskisi keledi», - deıdi Leffler.

Aıta keteıik, Karlos Slım - álemge áıgili fılantroptardyń biri. Onyń bastamasymen arnaıy qor ashylǵan bolatyn. Atalǵan uıymnyń esebinen bilim berý, densaýlyq saqtaý men mádenıet salasyndaǵy jobalar qarjylandyrylady.