Golovkın Maıqudyqtaǵy dene shynyqtyrý-saýyqtyrý kesheniniń ashylýyna qatysady
ASTANA. QazAqparat - Maıqudyqtaǵy dene shynyqtyrý-saýyqtyrý kesheniniń qurylysy aıaqtalýda. Keshenniń ashylýyna bylǵary qolǵap sheberi Gennadıı Golovkın shaqyrylady. Bul týraly qala ákimi Nurlan Áýbákirov málim etti, dep habarlaıdy oblystyq ákimdiktiń baspasóz qyzmeti.
«Dene shynyqtyrý-saýyqtyrý kesheni mamyr aıynyń sońynda nemese maýsym aıynyń basynda ashylady. Onyń ashylýyna Gennadıı Golovkındi shaqyrýǵa nıettimiz», - dedi qala basshysy.
Onyń aıtýynsha, jabdyqtar sporttyq federatsııalardyń talaptaryna sáıkes keledi. Keshendi jabdyqtaýǵa jáne ustaýǵa bıýdjetten 67 mln. teńge bólý josparlanǵan.
DSK «Sport nysandaryn damytý» baǵdarlamasy boıynsha qolǵa alynǵan. Ol buqaralyq sabaqtarǵa arnalǵan. Keshende aýyr atletıka jáne boks, voleıbol, basketbol, shaǵyn fýtbol oınaýǵa arnalǵan zaldar, sondaı-aq júzý basseıni bolady. Sektsııalardyń bári tegin.
«Jetekshi jattyqtyrýshylar JSK jabdyqtaý, sporttyq múliktiń sany boıynsha óz usynystaryn jasady. Keshenniń jumysyn jolǵa qoıý maqsatynda olardyń keńesi eskerildi», - dedi Nurlan Áýbákirov.
