Golovkın-Martırosıan jekpe-jeginiń reıtıngi HBO rekordyn jańartty
ASTANA. QazAqparat - 5 mamyr kúni Gennadıı Golovkın amerıkalyq Vanes Martırosıanmen kezekti kezdesýin ótkizdi. Bul - qazaqstandyq kásipqoı boksshynyń sporttyq mansabyndaǵy 39-ynshy jekpe-jegi, dep habarlaıdy Sports.kz.
Jekpe-jektiń ekinshi raýndynda GGG qarsylasyn nokaýtqa túsirdi. Osylaısha Golovkın kásipqoı rıngtegi 38-shi jeńisine qol jetkizdi. Odan bólek, ol tıtýyn qorǵaý boıynsha rekordtyq kórsetkishke jetti. Bul kórsetkish amerıkalyq Bernard Hopkınstiń enshisinde edi. Endi ekeýi de 20 retten óz tıtýlyn qorǵaǵan bolyp otyr.
VKontakte áleýmettik jelisindegi GGG resmı toby sońǵy jekpe-jektiń reıtıngi týraly málimet keltirdi: «NVO arnasyndaǵy Gennadıı Golovkın men Vanes Martırosıannyń jekpe-jegi kabeldik televızııada bıylǵy jylǵy úzdik reıtıngti kórsetti: ortasha alǵanda 1,24 mln kórermen, sharyqtaý shegi 1,361 mıllıon».
Aıta keteıik, Golovkın qyrkúıekte Saýl Alvarespen kezdesýi múmkin.
