Golovkın London men AQSh-taǵy press-týrdyń vıdeosyn jarııalady
ASTANA. QazAqparat - WBA (Super), WBC, IBF jáne IBO tujyrymdary boıynsha álem chempıony Gennadıı Golovkın aldaǵy jekpe-jekke arnalǵan press-týrdyń beınebaıanyn jarııalady. Bir aptanyń ishinde GGG óziniń kelesi qarsylasy - Saýl Alvarespen birge London, Nıý-Iork jáne Los-Anjelesti aralap, baspasóz-máslıxattaryn ótkizdi, dep xabarlaıdy QazAqparat tilshisi.
Press-týr barysynda eki boksshy birneshe baǵdarlamaǵa da qatysyp, suxbat bergen bolatyn. "Eki jyl buryn osy jekpe-jek bola ma, joq pa, eshkim bilmedi. "Kanelo" da jastaý boldy. Biraq men ishteı sendim, osy jekpe-jektiń ekeýimizge kerek ekenin sezdim. Saýl óz eliniń ulttyq batyryna aınaldy. Meni de óz jerimde qatty syılaıdy. Bilmeımin, Sýpermen ba, Temir adam sııaqty ma, xalyqtyń qoshemeti kúshti. Bul tamasha jekpe-jek bolady. Biz úshin, xalyq úshin", - deıdi Gennadıı Golovkın.
Aıta keteıik, Golovkın - Alvares jekpe-jegi 16 qyrkúıekte Las-Vegastyń "T-Mobile Arena" sport kesheninde ótedi. Ýaqyt aıyrmashylyǵyna baılanysty atalǵan jekpe-jek Qazaqstanda 17 qyrkúıek kúni tańǵy saǵat 9:00-de tikeleı efırden kórsetiledi. Buǵan deıin Gennadıı Golovkın áleýmettik jelidegi óziniń paraqshasynda meksıkalyq jankúıerlerine arnalǵan vıdeony jarııalaǵan bolatyn. Ol jaqta da GGG-diń fanattary barshylyq.
