Golovkın Lememen jekpe-jekte «naǵyz dramalyq shoý» kórsetýge ýáde berdi
ASTANA. QazAqparat - WBA («sýper»), IBO jáne WBC («ýaqytsha») tujyrymdamalary boıynsha tıtýldardyń ıegeri qazaqstandyq Gennadıı Golovkın (33-0, 30 KO) 17 qazan kúni Nıý-Iorktaǵy Madison Square Garden arenasynda ótetin IBF tujyrymdamasy boıynsha orta salmaqtaǵy (72,6 kelige deıin) álem chempıony kanadalyq Davıd Lememen (34-2, 31 KO) jekpe-jeginiń aldynda bul aıqasty uzaq este qalatyn oqıǵa etýge ýáde etti.
Bul týraly sports.kz jazady.
«Biz jańa jattyǵý ıdeıalary men strategııany qoldandyq. Bul jekpe-jek men úshin kúrdeli synaq bolady dep oılaımyn. «Medısonda» bokstasý - bul arman, sebebi men aty ańyzǵa aınalǵan bul orynnyń tarıhyn bilemin. Bul bokstyń Mekkesi tárizdi. Naǵyz dramalyq shoý kútińizder», - dep málimdedi ol.
