Golovkın-Leme jekpe-jegi bastaldy
ASTANA. QazAqparat - Kásipqoı boksta orta salmaqtaǵy WBA (Super), WBC (Interim) jáne IBO nusqasy boıynsha chempıony, qazaqstandyq boksshy Gennadıı Golovkın men IBF chempıony Davıd Leme jekpe-jegi bastaldy.
Orta salmaqtyń eń qaýipti pancherleri - Golovkın men Leme birinshi raýndta kúshterin birden sarp etpeı, birin-biri tanýmen boldy. Degenmen ekinshi raýndta Golovkın tegeýrindi soqqylardy jumsap, Lemeniń áýselesin baıqap kórdi. Leme qulashtap uryp, óziniń joıqyn mánerimen qazaq boksshysyna qarsylyq tanytyp kórdi. Alaıda Golovkın ashylyp qalǵan Lemeni aýyr djebtermen ábden sastyrdy. Eske sala keteıik, Golovkın - Leme kezdesýi 18 qazan kúni Nıý-Iorkte lyq toly Madison Square Garden arenasynda ótýde. Bul juldyzdy boks shoýyn tamashalaýǵa mıllıarder Donald Tramp, áıgili boksshylar Roberto Dıýran, Sheın Mozlı men Lennoks Lıýıs, reseılik bylǵary qolǵap sheberi Sergeı Kovalev, akter Maıkl Foks keldi.
