Golovkın, Leffler jáne Rolls DAZN-daǵy alǵashqy jekpe-jek týraly aıtty
«Osy tamasha arenaǵa qaıta oralýǵa múmkindik týǵanyna (sońǵy ret 2017 jyldyń naýryzynda osy jerde amerıkalyq Denıel Djeıkobsty jeńgen) jáne jankúıerlerge «Bıg drama shoýdyń» kezekti serııasyn usynatynyma qýanyshtymyn. Men boksty súıemin. Rollspen bolatyn aıqas jaqsy ótýi úshin qolymnan kelgenniń bárin isteımin», - dedi Gennadıı Golovkın.
«DAZN men Golovkınge tamasha múmkindik úshin alǵys aıtamyn. Álemniń úzdik boksshylarynyń birimen judyryqtasý múmkindigin aldym. Men buryn Kanada chempıonatynda jeńiske jetkenmin, álemdik arenalarda óz elimniń atynan shyqtym. Al Golovkın jaı ǵana adam. Ony jeńip, óz esimimdi osy dıvızıonnyń úzdik boksshylary tizimine engizemin», - deıdi Rolls.
«Biz kóptegen boksshylardy qarap shyqtyq. DAZN ókilderi Rollstyń kandıdatýrasyn maquldady. Óıtkeni ol kanadalyq, al olar osy brendti óz elinde tanymal etpek. Bul da faktorlardyń biri boldy. Degenmen toqeterlik sheshim qabyldaýǵa túrtki bolǵan negizgi jaıt Rollstyń buryn jeńilip kórmegendigi boldy», - deıdi Leffler.
