Golovkın Qytaıda Djet Lımen kezdesti

ASTANA.QazAqparat - Qazaqstandyq kásipqoı boksshy Gennadıı Golovkın qytaılyq tanymal kınoakter, ýshý sheberi Djet Lımen kezdesti, dep habarlaıdy QazAqparat.

«Qytaıdyń uly adamdarymen kezdesý»,- dep jazdy GGG Instagramdaǵy jeke paraqshasynda.

Aıta keteıik, Golovkın Qytaılyq mıllıarder Djek Ma túsirgen «Gong Shou Dao(功守道)» kınosynyń alǵashqy kórsetilimine qatysý úshin 11 qarashada Shanhaı qalasyna barǵan bolatyn.

«Gong Shou Dao» qysqa metrajdy fılminde Djet Lı, Donnı Ien bastaǵan tanymal qytaılyq ýshý akterleri qatysty. Djek Ma kınoda basty róldi somdap, qytaılyq Taıtszı atys ónerin nasıhattaýdy basty maqsat etip otyr.

20 mınýttyq fılmniń sońynda Gollıvýd akteri Djeıson Stethem, fılıppındyq kásipqoı boksshy Mennı Pakıao jáne qazaqstandyq Gennadıı Golovkın Djek Many jekpe-jekke shaqyrady.