Golovkın kúzge josparlanǵan aıqasynan aıyrylyp qaldy

NUR-SULTAN. QazAqparat - Ringnews24.com saıty IBF jáne IBO tujyrymdary boıynsha orta salmaqtaǵy álem chempıony Gennadıı Golovkınniń jeltoqsan aıynda WBA Super tıtýlynyń ıegeri Rıota Mýratamen birlesken jekpe-jek aldynda aralyq aıqasty nelikten ótkize almaǵanyn aıtty, dep habarlaıdy Sports.kz.

Bir kún buryn GGG men Mýrata 28 jeltoqsanda Kobıde (Japonııa) judyryqtasýǵa keliskeni týraly aqparat paıda boldy, biraq olar DAZN strımıng qyzmetiniń maquldaýyn kútýi kerek.

«Golovkın men Mýratanyń jekpe-jegi DAZN platformasynda tikeleı efırden kórsetiledi dep josparlanǵan. Alaıda, onyń ókili ázirge kelisim bergen joq. Eki boksshy da Qurama Shtattarda tamyzda jáne qyrkúıekte aıqasady dep úmittengen. DAZN bul týraly Golovkınniń komandasymen kelise almady, sondyqtan Gennadııdiń rıngtegi úzilisi bir jylǵa sozylady», - dep jazylǵan maqalada.