Golovkın kún sanap kúsheıýde - Sanches
ASTANA. QazAqparat - Gennadıı Golovkınniń bapkeri Abel Sanches básekelestik jaǵynan qazaqstandyq boksshy baıaǵyda-aq Andre Ýordty artqa tastady dep esepteıdi. Bul jóninde «Vkontaktedegi» GGG paraqshasynda habarlandy.
«Golovkın kún sanap kúsheıýde jáne ótkenniń uly boksshylaryna jaqyndaı tústi dep senemin», - deıdi bapker.
«Andre men promoýteri arasynda túsiniksiz jaǵdaılar oryn alýda, bul onyń básekege qabilettiligin tómendetip otyr. Biraq soǵan qaramastan eger ol Golovkınmen jekpe-jek ótkizetin bolsa, áli de bolsa óz talaptaryn qoıa alady dep oılaıdy. Ýord aqshanyń negizgi bóligin alǵysy keledi, bul jekpe-jektiń ótýine kedergi bolmaq. Ýord Super Six-ti utqan shyǵar, biraq sodan beri ne jekpe-jekterde, ne jarnamada túk bitire almady», - deıdi Sanches.
«Ol óziniń týǵan jerinde ótken jekpe-jekterdiń ózinde bılet sata almady, tipti Rodrıgespen bolǵan kezdesýde de adam az keldi. Ýordtyń stıli men onyń múmkindikteri búgingi aýdıtorııany qyzyqtyrýǵa qaýqarly emes», - dep atap ótti bapker.
