Golovkın: Kottonyń menimen judyryqtasqysy keletininen áli de úmittimin
ASTANA. QazAqparat - WBA (Super), IBO, WBC (Interim) jáne IBF tujyrymdamalary boıynsha ortasha salmaqtaǵy álem chempıony, qazaqstandyq Gennadıı Golovkın (34-0, 31 KO) pýertorıkandyq Mıgel Kottomen (40-4, 33 KO) boks álemindegi sońǵy oqıǵalarǵa qaramastan, judyryqtasqysy keletinin málim etti.
Keshe Dúnıejúzilik boks keńesi (WBC) Kottony ortasha salmaqtaǵy álem chempıony tıtýlynan aıyrǵany belgili. Bul jaı Kottonyń WBC erejelerin oryndaýdan bas tartyp, mindetti jarna tólemeýinen keıin oryn aldy.
Kotto men Alvarestiń arasyndaǵy jekpe-jek 21 qarashada Las-Vegasta ótedi. Qazaqstandyq boksshy bul shoýdy baryp tamashalaýǵa nıetti.
«Kotto jaı ǵana beldiginen aıyryldy. Taıaýda biz WBC-pen sóılestik, men onyń beldigin alǵym keledi. Men ol (Kotto) menimen áli de judyryqtasqysy keletine úmittenemin, sebebi ol kóp aqsha men ataq ákeledi, bul biz úshin tıimdi. Ol boksta taǵy bir jyl qalatynyn aıtyp otyr, sondyqtan bul biz úshin tamasha ýaqyt. Alvares te aıqasqa daıyn dep oılaımyn. Ol úlken jekpe-jekke daıyn emes te shyǵar. Biraq men ózimniń «Kanelomen» ótetin jekpe-jegim álemdegi kelesi sýper jekpe-jek bolady dep esepteımin», - dep keltiredi Golovkınniń sózderin Boxingscene.
