Golovkın-Kotto jekpe-jegi ótýge mindetti kezdesýlerdiń qataryna endi
ASTANA. QazAqparat - Amerıkalyq BleacherReport.com saıty mindetti túrde ótýi tıis jekpe-jekter tizimin jasady. Solardyń qataryna Gennadıı Golovkın men Mıgel Kottonyń kezdesýi endi.
Bul týraly sports.kz habarlady.
Ótken jyly maýsym aıynda Mıgel Kotto Serhıo Martınesti tehnıkalyq nokaýtpen jeńip, orta salmaqta álem chempıony jáne osy orta salmaqtaǵy tórt kategorııa boıynsha alǵashqy pýertorıkalyq chempıon atandy.
Alaıda ol óz myqtylyǵyn dáleldeý úshin WBA nusqasy boıynsha álem chempıony, 18 qarsylasyn nokaýtqa jibergen Gennadıı Golovkınmen kezdesýi tıis.
«Golovkın myqty boksshy jáne ol Kottomen kezdesýi tıis. Eger Mıgel qarsylas retinde ózge sportshyny tańdasa, onda onyń ataǵy óz qunyn joıady.
Gennadıı Golovkın qazirgi tańda WBA nusqasy boıynsha orta salmaqta kósh bastap tur. Eger Kotto GGG-men jekpe-jekke shyqqysy kelmese, ol óz karerasynan bas tartýy kerek», - dep jazady basylym.
