Golovkın komandasyndaǵy qazaqstandyq boksshy meksıkalyq «Taısonǵa» qarsy judyryqtasady

NUR-SULTAN. QazAqparat – Qazaqstandyq boksshy Álı Ahmedovtyń (18-1, 14 KO) kelesi qarsylasy belgili boldy. Bul týraly QazAqparat Sports.kz saıtyna silteme jasap habarlaıdy.

Sýper orta salmaqtaǵy qazaqstandyq boksshy rıngke 30 shildede oralady. BoxRec.com saıtynyń habarlaýynsha, onyń qarsylasy «Taıson» laqap atymen belgili meksıkalyq Rıkardo Adrıan Lýna (23-8-2, 15 KO) bolmaq. Jekpe-jek on raýndtan turady.

Lýna qazaqstandyq jankúıerlerge 2020 jyly Nurzat Sabırovpen (11-0, 9 KO) jekpe-jegi arqyly tanylǵan. Onda Rıkardo tóreshilerdiń biraýyzdan qabyldaǵan sheshimimen jeńilgen bolatyn.

Álı Ahmedov - Gennadıı Golovkınniń (42-1-1, 37 KO) GGG Promotions promoýterlik kompanııasynyń boksshysy. Ol sol jerde Djonaton Benkstiń jetekshiligimen jattyǵyp júr.

Foto: sports.kz