Golovkın komandasy onyń Brýkpen kezdesýi aldynda aýyrdy degen sybystyń sebebin atady
ASTANA. QazAqparat - Gennadıı Golovkınniń promoýteri jáne bapkeri Kell Brýkpen kezdesý aldyndaǵy boksshynyń jaǵdaıy týraly túsindirdi, dep habarlady Sports.kz.
«Bul sybystyń qaıdan shyqqanyn bilmeımin. BAQ baspasóz máslıhatynan keıin Gennadııden suhbat almaq bolǵan, alaıda sportshy qonaqúıge ketkendikten osyndaı qaýeset paıda boldy dep oılaımyn. Olar boksshy aýyryp tur dep oılap, túımedeıdi túıedeı etti», - dedi Boxingscene.com GGG promoýteri Tom Leffler.
Gennadıı bapkeri Abel Sanchestiń sózine qaraǵanda, eki saǵattaı kólik keptelisinde turyp qalǵan boksshynyń kóńil-kúıi bolmaǵan. Sondyqtan ol salmaqty ólshegen soń, qonaq úıge ketpek boldy.
«Salmaq ólsheıtin kúni qonaq úıden sol jerge bir saǵat 40 mınýttaı jetkenbiz. Bul kóńil-kúıge áser etti. Budan keıin ol qonaq úıge barǵysy keldi», - dedi Sanches.
