Golovkın kishi Chavespen jekpe-jekke shyǵý úshin salmaq dárejesin aýystyrýǵa daıyn
ASTANA. QazAqparat - WBA nusqasy boıynsha álem chempıony jáne WBC nusqasy boıynsha 72,6 keli salmaq dárejesinde ýaqytsha chempıon Gennadıı Golovkın meksıkalyq Hýlıo Sesar kishi Chavespen jekpe-jekke shyǵý úshin 76,2 kelige deıingi salmaqqa aýysýǵa daıyn. Bul kezdesý aqyly túrde, pay-per-view júıesi boıynsha kórsetiledi.
Bul jóninde sports.kz habarlady.
Ol 2004 jylǵy Olımpıada chempıony Andre Ýordpen aıqasý úshin salmaq dárejesin aýystyrýǵa qyzyǵýshylyq tanytpaıtynyn qosyp aıtty. Golovkın óziniń kásibı qyzmetinde 31 ret jeńiske jetip, birde-bir ret jeńilmegen. Kishi Chavestiń qanjyǵasynda 48 jeńis pen bir jeńilis bar.
«Men aqyly túrde kórsetiletin Chavespen aıqas úshin salmaq dárejemdi aýystyrýǵa kelistim. Ýordpen kezdesý úshin ondaı qadamǵa barmaımyn. Múmkin, bolashaqta ondaı usynysty qabyl alarmyn», - deıdi Golovkın boxing247.com-ǵa bergen suhbatynda.
