Golovkın keıbir boksshylardan qashyp júr - sheteldik basylym
ASTANA. QazAqparat - Jas boksshylardyń ishinde Gennadıı Golovkın (37-0, 33 KO) men Saýl Alvareske (49-1-1, 34 KO) tótep bere alatyn sportshylar bar. Fighthype.com saıty ondaı boksshylardyń qatarynan Djermall Charlo (25-0, 19 KO), Erıslandı Lara (24-2-2, 14 KO), Demetrıýs Andrade (24-0, 16 KO) men Djermell Charlony (29-0, 14 KO) kórip otyr, dep habarlaıdy QazAqparat tilshisi.
«Djermall Charlo 160 fýntqa (72,57 kg) aýysty. Onyń aǵasy, Andrade men Lara da osy salmaqqa aýysýǵa daıyn. Olardyń árbireýi óz múmkindigin qalt jibermeýge tyrysady. Tórteýi de jyldyń aıaǵyna deıin Golovkın-Alvares jekpe-jeginiń jeńimpazymen kezdesýge ázir. Bulardyń barlyǵy - daryndy boksshylar, jeńisti qoldan bere salmaıdy. Alaıda Golovkın de, Alvares te olarǵa mán berip jatqan joq. Iá, jas boksshylarǵa qarsy shyqqan qaýipti. Sosyn gonorar da azdaý bolady. Máselen, «Kanelo» 154 (69,85) fýntta bokstasyp júrgende Andrade men aǵaıyndy Charlolar jaıynda birde-bir sóz aıtpady. Golovkın men Alvares kásibı bokstyń alaýyn ózderi ustaǵysy keledi», - dep jazdy Fighthype.com.
Aıta keteıik, meksıkalyq boksshy Saýl «Kanelo» Alvarestiń promoýteri Oskar De La Hoııa GGG-ge qarsy aldaǵy jekpe-jekti bir ret emes, eki ret revanshpen qaıta ótkizýge bolatynyn aıtyp otyr. Sóıtip, Golovkın - Alvares jekpe-jegin trılogııaǵa deıin jalǵastyrýǵa bolady.
