Golovkın Qazaqstannyń Parıj Olımpıadasynda medal alý múmkindigine baǵa berdi
ASTANA. KAZINFORM – Qazaqstan Ulttyq Olımpıada komıtetiniń basshysy Gennadıı Golovkın Los Angeles Times gazetine bergen suhbatynda 2024 jyly Parıjde (Frantsııa) ótetin Olımpıadada otandyq sportshylardyń medal alý múmkindigi týraly pikirin aıtty, dep habarlaıdy Sports.kz.
«Árıne, Olımpıada – teńdessiz oqıǵa. Baıraqty básekege qatysýǵa lıtsenzııa jeńip alǵan barlyq sportshylardy biriktiredi. Men Qazaqstannyń atynan barǵan sportshylardyń bárine jaýaptymyn. Olarǵa sáttilik, ózderine senimdi bolýyn tileımin. Komandamyz myqty, olardyń armandaryna qol jetkizýge jáne medaldar jeńip alýǵa múmkindik beretin óte kúshti arsenaly bar. Olımpıada oıyndary – erekshe tájirıbe. Bul áýesqoı sportshynyń basynan keshýi múmkin eń jaqsy nárse. Bul Rojdestvo men týǵan kúndi qosa alǵannan da keremet. Altyn medaldar kóbine rýletkaǵa uqsaıdy», - dedi Golovkın.
