Golovkın qazaqstandyq jankúıerlerge myńnan astam qoltańba taratty - FOTO
ASTANA. QazAqparat - Qazaqstandyq kásipqoı boksshy Gennadıı Golovkın Nazarbaev Ýnıversıtetinde jankúıerlermen bolǵan kezdesýde myńnan astam qoltańba taratty.
Jankúıerler kópten kútken júzdesý ýnıversıtettiń atrıým zalynda ótti jáne 3 saǵattan astam ýaqytqa jalǵasty.
Gennadıı ózine tileýles halyqtyń jaýdyrǵan suraqtaryna jaýap berdi jáne olarmen birge avtograf-sessııa uıymdastyrdy.
"Men "Bolashaq" baǵdarlamasy boıynsha AQSh-ta oqyp júrgenimde Golovkınniń Nıý-Iorkte ótken jekpe-jekterdiń birine baryp, tamashalaǵan bolatynmyn. Endi, mine, sonaý Petropavl qalasynan januıamyzben birge chempıondy kórýge arnaıy keldik. Onyń qoltańbasyn alyp, sýretke túsip te aldyq. Gena - chempıon ǵana emes, balalarǵa úlgi bolatyn azamat. Kezek óte kóp, biraq biz shydadyq, balalarym onyń qoltańbasyn alyp máz boldy. Golovkın shynymen halqynyń súıinishi. Qazaqstannyń ár óńirinen qanshama halyq keldi. Men bylaı sanap otyrsam, olardyń qolynda birneshe kartochka men plakattar bar. Sondyqtan onyń bergen qoltańbalary 1 myńnan asyp ketedi. Biraq Genaǵa ol sóz bolyp pa, onyń qoly naǵyz chempıonnyń qoly emes pa?!", - deıdi Jaras Alshynov "QazAqparat" tilshisine bergen suhbatynda.
