Golovkın Qazaqstanda álemdik deńgeıdegi jekpe-jek ótkizgisi keledi
ASTANA. QazAqparat - Birqatar tujyrym boıynsha orta salmaqtaǵy álem chempıony Gennadıı Golovkın týǵan jeri Qazaqstanda barlyq belbeýlerin biriktiretin jekpe-jek ótkizýi múmkin ekendigin aıtty, dep habarlaıdy Sports.kz .
«Men Qazaqstanǵa úlken aıqasty ákelgim keledi, muny bári qalaıdy. Bul meniń elim úshin, meniń mansabym úshin óte mańyzdy. Maǵan biriktirýshi jekpe-jek kerek, úlken boksshylarmen úlken aıqastar jasaý kerek. Aldymda «Kanelomen» jekpe-jek tur. Men Qazaqstanǵa sońǵy biriktirý aıqasyn ákelýim múmkin», - degen Gennadııdiń sózin keltiredi Boxingscene.com .
