Golovkın qazaq boksyn álemge tanytýǵa úlken úles qosty - Máýlen Áshimbaev

ASTANA. QazAqparat – Senat tóraǵasy Máýlen Áshimbaev qazaqstandyq kásipqoı boksshy Gennadıı Golovkınge qoldaý kórsetti, dep habarlaıdy QazAqparat.

«Otandasymyz Gennadıı Golovkınniń kezekti tarıhı jekpe-jegine kýá boldyq. Bul kezdesýde baby men baǵy qatar shappasa da ol biz úshin qashanda chempıon bolyp qala beredi. Buǵan deıin talaı márte jarqyn jeńisterimen barshamyzǵa qýanysh syılaǵan sportshymyzdy biz árdaıym qoldaımyz. Gennadıı Golovkın el sportyn damytýǵa, qazaq boksyn álemge tanytýǵa úlken úles qosty. Onyń chempıondyq joldaǵy qajyrly eńbegi, tózimdiligi men tabandylyǵy árbir qazaqstandyq atlet úshin úlgi-ónege ekeni sózsiz. Golovkınge eliktep ósken jas boksshylarymyz sharshy alańda áli talaı atoı salady dep senemiz. Chempıonymyzǵa aldaǵy ýaqytta tek sáttilik tileımiz! Biz seni árdaıym maqtan tutamyz, Gena!», - dep jazdy M.Áshimbaev jelidegi paraqshasynda.

Eske salsaq, Las-Vegastaǵy T-Mobile Arena stadıonynda ótken Gennadıı Golovkın men Saýl Alvares arasyndaǵy 12 raýndtyq boks jekpe-jegi tóreshilerdiń sheshimi boıynsha mekıskalyqtyń paıdasyna sheshildi. Jeńis bir aýyzdan meksıkalyqtyń enshisine jazyldy. Gennadıı Golovkın oǵan bola kóńil kúıin túsirgen joq.
Al Alvares qarsylasyna alǵys aıtyp, izet bildirdi.

Ashy q k ó zderden alyn ǵ an foto