Golovkın qarsylasyna 521 soqqy jasap, 5 raýndta basym túsken

ASTANA. QazAqparat - Bokstaǵy soqqylardy esepke alatyn kompıýterlik júıe CompuBox (Computerized punches scoring system) Golovkın - Alvares trılogııasynyń statıstıkasyn jarııalady, dep habarlaıdy QazAqparat boxingscene-ge silteme jasap.

CompuBox-tyń statıstıkasyna sáıkes, Golovkın 12 raýndta 521 soqqy jasap, onyń 120-syn dál tıgizgen (23%). Al, Alvares 487 judyryq siltep, onyń 130-yn dál tıgizgen (26,7%).

Djeb (Jab) soqqysy arqyly tanymal otandasymyz áli de basym ekenin kórsetti. 12 raýndta Golovkın qarsylasqa 350 djeb siltep, 74-in dál tıgizgen (21.1%). Alvares 270 djeb soqqysyn jasap, 45-in tıgizgen (16,7%).

Aýyr soqqylar boıynsha, GGG qarsylasyna nebári 171 aýyr soqqy jasap, 46-syn darytqan (26.9%). Al, «Kanelo» 217 aýyr soqqy baǵyttap, 85-in dál tıgizgen (39.2%).

Ár raýndtaǵy soqqylar sany boıynsha otandasymyz 6 raýndta basym bolǵanymen, dáldik jaǵynan qarsylasyna jol berdi.

Sonymen qatar, boxingscene úsh tóreshiniń resmı upaı kartalaryn jarııalady.

Úsh jekpe-jekte tóreshilik etken Deıv Morettı 116:112 upaı berip, Golovkın 4 raýnd basym boldy dep sanaıdy. Al, Stıv Vaısfeld jáne Devıd Sýzerlend 115:113 upaımen, qazaqstandyq boksshy 5 raýndta jeńiske jetti dep esepteıdi.

Eske salsaq, Las-Vegastaǵy T-Mobile Arena stadıonynda ótken Gennadıı Golovkın men Saýl Alvares arasyndaǵy 12 raýndtyq boks jekpe-jegi tóreshilerdiń sheshimi boıynsha mekıskalyqtyń paıdasyna sheshildi.