Golovkın qarsylastaryna: Meniń beldikterimdi alýǵa tyrysyp kórińder

ASTANA. QazAqparat - Karsondaǵy (AQSh, Kalıfornııa shtaty) StubHub Center arenasynda Gennadıı Golovkın qarsylasy Vanes Martırosıandy jeńgennen keıingi áserimen bólisti, dep habarlaıdy QazAqparat.

«Men rıngke qaıta shyqtym jáne ózimdi óte jaqsy sezinip turmyn. Maǵan qoldaý bildirgen Qazaqstandaǵy barsha dostaryma, jankúıerlerime alǵysymdy aıtamyn», - dedi Golovkın.

Sonymen qatar ol búgingi qarsylasy jaıynda da jaqsy lebizin jetkizdi.

«Vanes - ol talapty boksshy, sharshy alańda birneshe jaqsy soqqylaryn daryta aldy. Birinshi raýndtan keıin bul kezdesý ońaıǵa túspeıdi degen oıǵa da keldim. Alaıda jekpe-jekti ekinshi raýndta aıaqtaýǵa qaýqarly boldym», - dedi GGG.

Munymen qosa ol 5 mamyr kúni ótýi tıis bolǵan jekpe-jekke qatysty Saýl «Kanelo» Alvareske qaratyp úndeý jasady.

«Men kez kelgen qarsylasqa daıynmyn. Eger de «Kanelo» jekpe-jekke daıyn bolsa, men de daıynmyn. Men kóp jyldar boıy chempıondyǵymdy saqtap kelemin. Meniń beldikterimdi alǵylaryń kele me? Onda jekpe-jekke shyǵyp, tyrysyp kórińizder», - dedi Genadıı Golovkın.
Budan bólek Gennadıı jankúıerlerine birneshe tilde áleýmettik jeli arqyly óz alǵysyn aıtyp úlgerdi.
«Qoldaý jasaǵandardyń barlyǵyna úlken rahmet! Thanks a lot to all my fans for your support! Muchas gracias!»,- dep jazdy GGG.

Foto: vk.com/ggolovkin