Golovkın Qaraǵandy oblysynyń qurmetti azamaty atanady

KARAǴANDY. «QazAqparat» - 15 qańtar kúni týǵan jerine keletin áıgili boksshy Genadıı Golvkınge «Qaraǵandy oblysynyń qurmetti azamaty» ataǵy beriledi, dep habarlaıdy «QazAqparat» HAA tilshisi.

Nurken Ábdirov atyndaǵy sport kesheninde qurmetti azamat kýáligin jáne osy ataqty rastaıtyn medal beriletini týraly aıtyldy.

Depýtattar Golovkınniń kandıdatýrasyn oblystyq máslıhattyń XIII sessııasynda biraýyzdan maquldaǵan.

Gennadıı Golovkın  ortasha salmaqta óner kórsetip júrgen Qazaqstandaǵy kásipqoı boksshy. 2003 jyly áýesqoılar arasynda álem chempıony atandy. 38 jekpe-jek ótkizildi, onyń 37-i jeńiske jetti, 1-jekpe-jegi teń upaımen aıaqtaldy. Ol WBC álem chempıony (orta salmaq), WBA Super World Champion (ortasha salmaq), IBF World Champion (orta salmaq), IBO World Champion (ortasha salmaq) ıelengen.