Golovkın «Kanelonyń» úlken qateligin atady
ASTANA. QazAqparat - Qazaqstandyq boksshy Gennadıı Golovkın meksıkalyq Saýl Alvarespen mentalıtettegi aıyrmashylyq pen qurmet týraly aıtty, dep habarlaıdy Sports.kz.
«Boksty qurmetteıtin adamdardy syılaımyn. «Kanelo» men onyń komandasy ony qurmettemeıdi. Ol úlken qatelik jasap, burynǵy komandamen jáne sol adamdarmen jumys isteýdi jalǵastyrýda. Men jaqsymyn, al ol jaman dep aıtyp otyrǵanym joq. Tek bizdiń mentalıtetimiz ártúrli. Men sportshylardy jáne sportty qurmetteımin. Men sııaqty sportqa qurmetpen qaraıtyn adamdarmen pikirlerimiz sáıkes keledi», - dedi Golovkın.
Eske salaıyq, Golovkın-Kanelo alǵashqy kezdesýi 2017 jyldyń 16 qyrkúıegi kúni Las-Vegasta ótken bolatyn. Jekpe-jek teń aıaqtaldy. Rematch atalmysh qalada bıylǵy 15 qyrkúıekte ótetini josparlanǵan.
