Golovkın «Kanelonyń» ornyna basqa meksıkalyqpen aıqasýy múmkin

NUR-SULTAN. QazAqparat – Gennadıı Golovkın kelesi jekpe-jeginde «Kanelomen» emes, basqa bir meksıkalyq boksshymen kezdesýi múmkin, dep habarlaıdy QazAqparat Sports.kz portalyna silteme jasap.

Birinshi orta salmaqta WBO tujyrymy boıynsha álem chempıony bolyp otyrǵan Haıme Mýngııa qazaqstandyq boksshymen jekpe-jek ótkizýge talpynyp júr. 21 jastaǵy boksshy tipti GGG-diń sanaty sanalatyn orta salmaqqa ótýge ázir ekenin aıtqan.

«Mýngııa mindetti túrde orta salmaqqa ótedi. DAZN boksshylardy ózinde ustaǵysy keletini jasyryn emes. Buǵan deıin Haımeniń Hogannan basqa tańdaýy joq edi, al endi Golovkınmen jekpe-jek ótkizip, qomaqty aqshaǵa qol jetkizbekshi», - dep jazady Forbes jýrnalısi Pıter Kan.