Golovkın «Kanelonyń» myqty qarsylas emestigin aıtty

NUR-SULTAN. QazAqparat - WBA Super, IBF jáne IBO tujyrymdary boıynsha orta salmaqtaǵy álem chempıony Gennadıı Golovkın 17 qyrkúıekte úshinshi ret judyryqtasatyn Saýl «Kanelo» Alvaresti mansabyndaǵy eń myqty qarsylas dep eseptemeıdi, dep habarlaıdy QazAqparat Sports.kz saıtyna silteme jasap.

«Meniń qarsylastarym arasynda chempıondar da, mindetti úmitkerler de boldy. «Kanelony» olardyń eń úzdigi dep aıtpas edim. Árıne, ol aldyńǵy qatardaǵy jáne aıtarlyqtaı myqty qarsylas, degenmen ózderińiz kórip otyrǵandaı, ol da jeńildi... Áýesqoı boksta kásipqoı boksqa ótpegen birneshe qarsylasym boldy. Olardyń daǵdysy men ádis-aılasy aqylǵa syımaıtyn. Úsh raýndta seniń búkil stılińdi túsinip, jeńiske eshqandaı múmkindik qaldyrmaıtyndaı aıqasatyn», - dedi 40 jastaǵy Gennadıı.

Eske salaıyq, 2017 jyldyń qyrkúıeginde Golovkın men «Kanelo» kezdesýi teń aıaqtaldy.

Bir jyldan keıin, ıaǵnı 2018 jyldyń qyrkúıeginde S.Alvares tóreshiler sheshimimen Qazaqstan sportshysyn jeńdi.

Golovkın de Alvares te úshinshi aıqas týraly resmı málimdeme jasady.

Foto: sportingnews.com