Golovkın «Kanelonyń» komandasy odan nege qashqanyn aıtyp berdi

ASTANA. QazAqparat - WBA/WBC/IBO/IBF tujyrymdary boıynsha orta salmaqtaǵy álem chempıony tıtýldarynyń ıegeri  Gennadıı Golovkın Saýl Alvarespen aıqasty uıymdastyrýdyń uzaqqa sozylýynyń sebebi, GGG-dyń 2015 jyly Davıd Lemege qarsy joıqyndy jekpe-jegine baılanysty dep oılaıdy, dep habarlady  Sports.kz.

«Men «Kanelony» burynnan bilemin. Tórt jyl buryn onymen zalda sparrıng ótkizgenim de esimde. Sol kezde oǵan kelesi jyly kezdesýimiz múmkin ekenin aıtqanmyn», - dep eske aldy  Gennadıı  HBO-men áńgime barysynda.

Alaıda  GGG men «Kanelonyń» aıqasyn uıymdastyrýǵa barynsha kóp ýaqyt qajet boldy.   Gennadıı   Alvarestiń jekpe-jek ótkizý ýaqytyn sozǵanyna onyń promoýteri Oskar De La Hoııa óziniń  Davıd Lememen joıqyn jekpe-jegin kórip, júreksinip  qalýy sebep bolǵanyna senimdi.  Qazaqstandyqtyń bapkeri Abel Sanches sol joly Golovkın úzdik óner kórsetti dep sanaıdy. 

 «Meniń Lememen jekpe-jegimnen keıin Oskar júreksinip qaldy. Qazir bul aıqasty taǵatsyzdana kútip júrmin. «Kanelo» myqty boksshy. Bizdiń aıqasymyz bokstyń paıdasyna sheshilýde. Bul búgingi kúni boks álemindegi mańyzdy jekpe-jek dep oılaımyn», - dedi Golovkın.