Golovkın «Kanelonyń» attary men temirtulparlary jaıly pikir bildirdi
ASTANA. QAZAQPARAT - Qazaqstandyq bylǵary qolǵap sheberi Gennadıı Golovkın qarsylasy Saýl «Kanelo» Alvarestiń qymbat kólikter men attarǵa qyzyǵatyny týraly pikir bildirdi, dep habarlaıdy Sports.kz.
Meksıkalyq boksshynyń jýyrda quny shamamen 1,3 mıllıon dollarlyq Mercedes-Benz Brabus G63 AMG 6×6 temirtulparyn alǵany belgili.
«Ol múldem basqasha jigit. Mashınalar, attar... men de attardy unatamyn. Biraq maǵan bir mashına da jetedi, eki-úsh kólik qajet emes. Men eki nemese úsh mashınany aýystyryp mine almaımyn. Eger saǵan sportkar kerek bolsa, sportkar al. Men úshin bastysy - boks. Men sportty, óz kásibı mansabymdy, boksty súıetin adamdardy qurmetteımin. Men úshin bul tek qana bıznes emes. Eger «Kanelo» úshin jaı ǵana bıznes bolsa, men úshin olaı emes. Men kásibı sportshymyn, boksshymyn, iri bıznesmen emespin», - dedi Golovkın Azteca Deportes-ke bergen suhbatynda,
Eske sala keteıik, Golovkın - Saýl «Kanelo» Alvares aıqasy Las-Vegasta 16 qyrkúıek kúni ótedi.
