Golovkın «Kanelonyń» agressıvti áreketine qalaı jaýap qaıtardy

ASTANA. QazAqparat - Gennadıı Golovkınniń bapkeri Abel Sanches aıqas aldyndaǵy kóz arbasý kezinde Saýl «Kanelo» Alvarestiń agressıvti áreketi GGG-diń psıhologııalyq jaǵdaıyna múldem yqpal etpegenin aıtty, dep habarlaıdy Sports.kz.

«Kanelo» salmaq ólshegennen keıin Golovkınge kelip, mańdaıyn jaqyndatqan jáne ony ıtermek bolǵan. Boksshylardy Sanches ajyratqan, keıin qarsylastar komandalarynyń arasynda janjal týyndaǵan.

«Gennadıı jaı ǵana kúlip jiberdi. Rıngten tys jerde ol - Gennadıı Golovkın, al arqannyń ishine kirgennen keıin bıznes bastalady, onda ol - GGG. Qazir bul mańyzdy emes. Ol qasynda turǵanymdy jáne artyq eshteńege jol bermeıtinimdi bildi. Meniń ustanymymdy túsindi - qazir tóbelesetin kez emes, ol ýaqyt erteń keledi», - dep jaýap berdi Sanches Fight Hub-qa bergen suhbatynda.

Foto: vk.com/ggolovkin