Golovkın «Kanelony» jeńý úshin qandaı tásil qoldanady - maman pikiri

ASTANA. QazAqparat - On The Ropes Boxing Radio-nyń sport mamandary qazaqstandyq boksshy Gennadıı Golovkınniń (38-0-1, 34 KO) Saýl Alvarespen (49-1-2, 34 KO) bolatyn ekinshi kezdesýine boljam jasady, dep jazady Sports.kz.

«Birinshi jekpe-jekte Golovkın jeńiske jetý úshin qajettiniń bárin istedi. Rematchta ol odan da kóp jumys atqarady. Al «Kaneloǵa» kóp nárseni dáleldeý qajet bolady. Ol árıne óziniń josparyn ózgertedi, kóp júgirip, kóp qımyldamaıtyn bolady. Biraq qarsylasy jumsaıtyn sansyz soqqylarǵa ashyla túsedi. Jekpe-jektiń qarqyny ózgeretin bolsa, raýndtardyń sońynda Golovkın ony nokaýtqa jiberedi nemese kezdesýdiń sońynda upaı sany boıynsha jeńiske jetedi. Qalaı bolǵan kúnde de Golovkın óziniń orta salmaqtaǵy álem chempıony ekenin esh kúmánsiz dáleldeıdi»,-dep jazady saıt.

«Kanelo» - GGG-diń alǵashqy kezdesýi teń aıaqtaldy. Ekinshi kezdesýge 1XBET býkmekerlik keńsesi tómendegideı koefıtsentterdi usynyp otyr: Golovkınniń jeńisi 1.57, Alvarestiń jeńisi 2.75, Kezdesý teń aıaqtalady - 23.