Golovkın «Kanelony» qashan nokaýtqa jiberetinin aıtty

ASTANA. QazAqparat - WBA (Super), WBC, IBF jáne IBO tujyrymdary boıynsha orta salmaqtaǵy álem chempıony Gennadıı Golovkın (37-0, 33 KO) TMZ Sport-qa bergen suhbatynda Saýl Alvarespen (49-1-1, 34 KO) ótetin aldaǵy jekpe-jegi týraly pikir bildirdi, dep habarlaıdy Sports.kz.

«Men «Kanelomen» ótetin aıqasqa basqa da qarsylastaryma daıyndalǵandaı, júz protsentke daıyndalyp jatyrmyn. Ol meni jaqsy biledi, men de ony jaqsy tanımyn - ekeýmiz buryn birge jattyǵyp, tórt jyl aldyn birge sparrıng jasadyq. Ol óte jaqsy boksshy. Men ony sol kezde nokaýtqa jiberdim be? Joq, biraq ony 16 qyrkúıek kúni nokaýtqa túsiremin! Alaıda, bizdiń aıqasymyz nokaýtpen aıaqtala ma nemese qashyqtyqta óte me, ony aıtý qıyn, sebebi bul - boks. Qandaı bolǵan jaǵdaıda da, Big Drama Show bolady», - dedi Golovkın.

Golovkın - Alvares jekpe-jegi 16 qyrkúıek kúni Las-Vegastaǵy «T-Mobile Arena»-da ótedi.