Golovkın «Kanelony» boksty qurmettemeıdi dep aıyptady
ASTANA. QazAqparat - Birqatar tujyrymdar boıynsha orta salmaqtaǵy álem chempıony Gennadıı Golovkın Power 106 radıosyna bergen suhbatynda meksıkalyq Saýl Alvarestiń dopıng-testen ótpeı qalýyna qatysty pikir bildirdi, dep habarlaıdy Sports.kz.
- Sen «Kanelomen» rematch ótkizýiń kerek edi, biraq onyń kesirinen aıqas bolmaı qaldy. Bul boksqa degen qurmetsizdik dep esepteısiń be?
- Iá, men solaı oılaımyn. Sebebi, bul boks úshin mańyzdy jekpe-jek, adamdarǵa úlken syılyq, bıznes úshin iri kólemdegi aqsha bolǵan. Men muny qurmetsizdik dep esepteımin. Ol - álemdik deńgeıdegi chempıon, ol boksqa alǵash ret kelip turǵan joq. Ol kásipqoı boksshy. Men bul jaǵdaıdy túsinbeımin.
5 mamyrda Golovkın Alvarestiń ornyna amerıkalyq Vanes Martırosıanmen judyryqtasady.
Foto: sportsvibez.com
