Golovkın: «Kanelomen» jekpe-jek erte aıaqtalady

ASTANA. QazAqparat - WBC, WBA jáne IBO nusqalary boıynsha orta salmaq dárejesindegi álem chempıony Gennadıı Golovkın meksıkalyq Saýl «Kanelo» Alvarespen ótetin ekinshi jekpe-jek erte aıaqtalatynyn málim etti, dep habarlaıdy Sports.kz.

«Men «Kaneloǵa» qarsy alǵashqy aıqasta jeńip shyqtym. Muny tek statıstıkany kórgendikten aıtyp otyrǵan joqpyn, halyqtyń basym kópshiligi meni jeńimpaz dep sanaıdy. Men beldikterimdi saqtap qalyp, olardy úıime alyp qaıttym. Álem chempıony boldym, bolyp qala beremin de. Tóreshiler ádil bolsa, ekinshi kezdesý men úshin de, boks úshin de mańyzdy bolmaq. «Kanelo» ekeýmiz osal qarsylastar emespiz, sondyqtan aýyr jekpe-jek bolady. Ekinshi kezdesý erte aıaqtalady dep oılaımyn», - dedi Golovkın ESPN- ge bergen suhbatynda.

Eske salaıyq, Golovkın men Alvares arasyndaǵy ekinshi jekpe-jek 15 qyrkúıekte Las-Vegastegi  T-Mobile arenasynda ótetin bolady.

Foto: vk.com/ggolovkin