Golovkın «Kanelomen» úshinshi aıqastyń shartyn atady

ASTANA. QazAqparat - WBA/WBC/IBO tujyrymdary boıynsha orta salmaqtaǵy álem chempıony Gennadıı Golovkın meksıkalyq Saýl «Kanelo» Alvareske qarsy úshinshi aıqasty ótkizý múmkindigin joqqa shyǵarmaıdy, dep habarlaıdy Sports.kz.

Boksshylardyń birinshi jekpe-jegi byltyr Las-Vegasta ótip, teń nátıjemen aıaqtalǵan. Al, ekinshi jekpe-jek sol jerde 15 qyrkúıekte bolady.

«Men boksshymyn, dál qazir bar kúshimdi salyp, ekinshi aıqasqa daıyndalyp jatyrmyn. Men promoýter emespin.   Biraq, ekeýmizdiń de densaýlyǵymyz jaqsy bolyp, barlyǵy oıdaǵydaı aıaqtalsa, nege uıymdastyrmasqa? Bári de múmkin», - dedi Gennadıı baspasóz máslıhatynda.

Qazaqstanda Golovkın - Alvares II boks shoýy 16 qyrkúıek kúni tańǵy saǵat 6-da bastalady. Ony «Qazaqstan» jáne «Qazsport» telearnalary tikeleı efırden kórsetedi.