Golovkın «Kanelomen» úshinshi aıqas týraly jańa málimdeme jasady

NUR-SULTAN. QazAqparat - Qazaqstandyq boksshy Gennadıı Golovkın No Puedes Jugar Boxeo Youtube-kanalyna bergen suhbatynda meksıkalyq Saýl Alvarespen úshinshi aıqas týraly aıtty, dep habarlaıdy QazAqparat Sports.kz saıtyna silteme jasap.

- Olar úshinshi aıqasty ótkizý úshin belbeý kerek dep jatyr. Bul týraly ne oılaısyń?

- Birinshiden, men barlyq jankúıerler sekildi úshinshi aıqas ótkizip, osy ýaqytta, bizdiń zamanymyzda boks mansabynyń bıik shyńyna shyqqym keledi... Maǵan aıqas ótkizý úshin belbeý kerek dep jatqan bolsa, bul jónsizdik der edim... Degenmen, baıqap kóremiz, osy boıynsha jumys isteımiz.

Eske salaıyq, Golovkın  men «Kanelo» birinshi aıqasy daýly teń nátıjemen aıaqtalsa, ekinshi jekpe-jekte tóreshilerdiń basym daýysymen «Kanelo» jeńiske jetken bolatyn.