Golovkın «Kanelomen» trılogııasyna daıyndyǵyn kórsetti

NUR-SULTAN. QazAqparat – WBA Super jáne IBF nusqalary boıynsha orta salmaqtaǵy álem chempıony Gennadıı Golovkın (42-1-1, 37KO) sýper orta salmaqtaǵy álemniń absolıýtti chempıony Saýl «Kanelo» Alvarespen (57-2-2, 39KO) úshinshi jekpe-jegine daıyndyǵyn jalǵastyrýda, dep habarlaıdy QazAqparat.

GGG Instagram-daǵy jeke paraqshasynda AQSh-taǵy jaǵajaıda ótkizip jatqan jattyǵýynan foto jáne vıdeo jarııalady.

Eske salaıyq, Golovkın men Kanelo arasyndaǵy úshinshi jekpe-jek bıylǵy 17 qyrkúıekte Las-Vegastaǵy T-Mobele arenasynda ótedi. Qos boksshynyń buǵan deıingi eki kezdesýi de osy jerde uıymdastyrylǵan edi.

«GGG» - «Kanelo» aıqasyna arnalǵan baspasóz konferentsııasy 24 maýsymda Los-Andjeleste ótýi tıis. Al ekinshisi 27 maýsymda Nıý-Iorkte uıymdastyrylady.