Golovkın «Kanelomen» revanshtan 40 mln dollar tabys tabýy múmkin

ASTANA. QazAqparat - Golovkın men «Kanelo» arasyndaǵy ekinshi jekpe-jektiń qarjylyq málimetteri jarııalanbaýda. Degenmen, boksshylar birinshi aıqasqa qaraǵanda áldeqaıda kóp tabys taba alady, dep habarlaıdy «SPORTINFORM» SAA espn.com saıtyna silteme jasap.

«Endi bokstaǵy eń úlken jekpe-jek bolatyn revansh ótedi. Golovkın men Alvares byltyr qyrkúıekte T-Mobile arenada kezdesip, ásirese Golovkın úshin daýly nátıjemen aıaqtalǵan edi. Bıylǵy revansh ta sol jerde ótpek. Sol jekpe-jekti kórý úshin 1,3 mıllıon  aqyly satyp alý jasaldy jáne bıletterdiń saýdasynan 27 mıllıon dollar paıda tústi. Bul - boks tarıhyndaǵy úshinshi kórsetkish. Adamdardyń kópshiligi revanshtyq aıqas osy eki tsıfradan asyp túsip, Golovkın 40 mıllıonnan astam dollar tabys tabatynyn aıtýda», - dep jazdy basylym.

Eske salaıyq, Golovkın men Alvarestiń promoýterleri alǵashynda aıqastyń bolmaıtynyn rastaǵan edi. Alaıda, keıin qaıta kelisim júrgizilip, bárine tıimdi sheshim qabyldandy. Golovkın men «Kanelonyń» ekinshi kezdesýiniń ótetini resmı túrde jarııa etildi.