Golovkın «Kanelomen» rematchqa qalaı daıyndalyp jatyr

ASTANA. QazAqparat - Qazaqstandyq boksshy Gennadıı Golovkın (38-0-1, 34 KO) meksıkalyq Saýl Alvarespen  (49-1-2, 34 KO) ekinshi jekpe-jekke daıyndyq aıasynda belsendi jattyǵyp jatyr, dep habarlaıdy Sports.kz. 

Otandyq orta salmaqtaǵy chempıon óziniń Instagram paraqshasynda amerıkalyq bapker Abel Sanchestiń lagerindegi jattyǵý protsesinen  túsirilgen sýretterdi jarııalady.

Eske salaıyq, WBC/WBA/IBO tujyrymdary boıynsha orta salmaqtaǵy álem chempıony óz komandasymen birge AQSh-qa keldi. GGG Almatyda qaza tapqan mánerlep syrǵanaýshy Denıs Tenmen qoshtasýǵa kelip, jattyǵýdy úze turýǵa májbúr bolǵan edi. 

Sondaı-aq, ol Máskeýdegi Dúnıejúzilik boks sýperserııasynyń fınalyna qatysyp, Aleksandr Ýsıkpen judyryqtasqan Mýrat Gassıevke qoldaý bildirdi. Aıqas tóreshilerdiń biraýyzdan sheshimimen Ýsıktiń jeńisimen aıaqtaldy.

GGG - «Kanelo» rematchy 15 qyrkúıekte Las-Vegasta ótedi.