Golovkın «Kanelomen» birinshi kezdesýinde naqty esep qandaı bolǵanyn málim etti

ASTANA. QazAqparat - WBA Super, WBC jáne IBO nusqalary boıynsha orta salmaq dárejesindegi Álem chempıony qazaqstandyq Gennadıı Golovkın meksıkalyq bylǵary qolǵap sheberi Saýl Alvarespen bolǵan birinshi kezdesýinen keıingi alǵan áserin eske alyp, oqyrmanmen bólisti, dep habarlaıdy QazAqparat Sports.kz saıtyna silteme jasap.

«Sóz joq, men jeńiske jetkenime sendim, sondyqtan da kezdesý aıaqtalǵanda qolymdy kóterdim. Ózim jeńiske jetý úshin oǵan qaraǵanda kóbirek ter tókkenimdi sezdim. Oǵan ary ketse úsh nemese tórt raýnda jeńis berýi tıis bolatyn. Al endi elý de elý degeni nesi, alty raýndta alty raýnd (jeńgen raýndar sany - red) degen esep kóńilge qonbaıdy. Ol óziniń jeńilgenin jaqsy biledi», - dedi Golovkın.

Eske sala keteıik, ótken jyly qyrkúıekte Las-Vegasta ótken Golovkın men Alvarestiń birinshi jekpe-jegi daýly jaǵdaıda teń aıaqtalǵan bolatyn. Qarymta kezdesý aldaǵy 15 qyrkúıek kúni ótedi.