Golovkın «Kanelomen» aıqastan buryn qandaı qatelikke boı aldyrdy
ASTANA. QazAqparat - Boxingnews24.com jýrnalısi Shon Djonstyń pikirinshe, Gennadıı Golovkın (37-0-1, 33 KO) men onyń komandasy Las-Vegasta Saýl Alvarespen (49-1-2, 34 KO) jekpe-jek ótkizýge kelispeýi kerek edi, dep habarlaıdy Sports.kz .
«Golden Boy kelissózder barysynda aıqasty taǵy da Las-Vegasta ótkizý úshin bar kúshin salady. Belgili sebepter, bul Golovkınniń judyryqtasqysy kelgen jer emes - sebebi «Kanelonyń» taǵy da biraýyzdy sheshimmen nemese kezekti teń nátıjemen jeńiske qol jetkizýine múmkindik týady. Bul - alǵashqy jekpe-jekti Las-Vegasta ótkizýge kelisim bergen Golovkın men Lefflerdiń qateligi. Buǵan deıin «Kanelo» ol jerde jeti ret judyryqtasyp, qalaǵa kóp qarjy ákeldi. «Kanelo» Las-Vegasta úlken bıznespen aınalysyp jatyr. Salystyrmaly túrde Golovkın ol jerde eshqashan jekpe-jekke shyǵyp kórmegen. Boksshylardyń bul qaladaǵy tanymaldylyǵy turǵysynan aıyrmashylyǵy jer men kókteı», - dep jazdy avtor.
Aıta keteıik, buǵan deıin Golovkın - Alvares qarymta aıqasy Las-Vegasta ótýi múmkin dep habarlanǵan bolatyn.
