Golovkın «Kanelomen» aıqasqa deıin basqa qarsylasymen jekpe-jekke shyǵýy múmkin

NUR-SULTAN. QazAqparat – Qazaqstandyq boksshy Gennadıı Golovkınniń (40-1-1, 35 KO) promoýteri Eddı Hırn óz klıentiniń kúrdeli jaǵdaıyn «túzetýden» úmitti, dep habarlaıdy Sports.kz.

Hırnniń oıynsha, Golovkınge aldymen polıak Kamıl Sheremetamen (21-0, 5 KO), al meksıkalyq Saýl Alvares (53-1-2, 36 KO) — brıtandyq Bıllı Djo Sonderspen (29-0, 14 KO) kezdesýi tıis.
Tek osydan keıin ǵana Gennadıı «Kanelomen» úshinshi jekpe-jegine shyǵa alady.

«Eger boks qazanda nemese qarashada ótkizilmese, «Kanelo» birden Golovkınmen úshinshi aıqasyna aýysar edi.
Kóremiz, biz bul jekpe jekti shildede nemese qazanda uıymdastyra alamyz ba. Eger bul qarashaǵa deıin iske aspaǵan jaǵdaıda «Kanelo» bolýy múmkin barlyq aıqastyń ishinen eń myqtysyn tańdaıtyndyǵy sózsiz», -dep málim etti Hırn.